Ռուսաստանի ներքին գործերի նախարարությունը հետախուզում է հայտարարել ռուսաստանցի տեսաբլոգեր, լրագրող, ԼԳԲՏ համայնքի իրավունքների ակտիվ պաշտպան Կարեն Շահինյանի նկատմամբ։ Ինչպես հաղորդում է ՌԻԱ Նովոստին, այս մասին հայտնի է դարձել գերատեսչության տվյալների բազայից։
Նշվում է, որ հետախուզում հայտարարելու համար հիմք է հանդիսացել ՌԴ քրեական օրենսգրքի հոդվածներից մեկը, սակայն չի հաղորդվում՝ որ հոդվածի մասին է խոսքը։
Նշենք, որ ավելի վաղ ՌԴ արդարադատության նախարարությունը Շահինյանին ներառել էր օտարերկրյա լրատվամիջոցների գործակալների ռեգիստրում, իսկ հուլիսին նա ներառվել է նաև ահաբեկիչների ու ծայրահեղականների ցանկում։
