Օգոստոսի 20-ի գիշերը Կուրսկը հարձակման է ենթարկվել ուկրաինական անօդաչու թռչող սարքի կողմից, հայտնել է ՌԴ Կուրսկի մարզի մարզպետ Ռոման Ստարովոյտը։
«Նախնական տեղեկություններով՝ այն բախվել է երկաթուղային կայարանի շենքի տանիքին, որից հետո տանիքում հրդեհ է բռնկվել»,- գրել է նա Telegram-ի իր ալիքում։
Հարձակման հետևանքով հինգ մարդ թեթև վնասվածքներ է ստացել, նշել է Ստարովոյտը։
Մոսկվայի քաղաքապետ Սերգեյ Սոբյանինը հայտնել է, որ ԱԹՍ–ի թռիչքի փորձ է արվել դեպի Մոսկվա՝ հարավային ուղղությամբ։
«Այն կասեցվել է հակաօդային պաշտպանության ուժերի կողմից։ Շնորհակալություն զինվորականներին աշխատանքի համար»,- ասել է Մոսկվայի քաղաքապետը։
Ռուսաստանի պաշտպանության նախարարության տվյալներով՝ ուկրաինական անօդաչու թռչող սարքը խոցվել է ՌԷՊ համակարգի միջոցով՝ մայրաքաղաքին մոտենալիս։
