«Մենք չենք թողել որևէ մարդ Երևանում, ում համար չունենք առաջարկ»,- ասաց «Ապրելու երկիր» կուսակցության նախագահ, Երևանի քաղաքապետի թեկնածու Մանե Թանդիլյանը ՝ ներկայացնելով ավագանու ընտրությունների նախընտրական ծրագիրը։
«Երևանի ընտրությունները վճռորոշ են լինելու ոչ միայն Երևանի, այլև ողջ պետության համար։ Մեր խոսքում մենք անընդհատ ասելու ենք՝ սա արդեն իրականացրել ենք։ Խոսելու ժամանակներն այլևս անցել են։ Ուզում եմ, որ մեր ժողովուրդն այլևս ներողամիտ չլինի և ընտրությունները վերածի վստահության քվեի՝ որպես դատավոր։
Երևանի ընտրությունները մեզ համար հենց այդպիսինն են։ «Ապրելու երկիր» կուսակցությունը երևանցիներին առաջարկելու է թե՛ քաղաքական, թե՛ քաղաքային որակյալ առաջարկներ»,- շարունակեց Թանդիլյանը։
