Ալիևն Ուզբեկստանի նախագահի հետ այցելել է օկուպացված Ֆիզուլի

Պետական այցով Ադրբեջանում գտնվող Ուզբեկստանի նախագահ Շավքաթ Միրզիյոևը օգոստոսի 23-ին ժամանել է Ֆիզուլիի (Վարանդա) շրջան։

Ֆիզուլիի օդանավակայանում, որտեղ ծածանվել են Ադրբեջանի և Ուզբեկստանի պետական դրոշները, հյուրի պատվին շարվել է պատվո պահակախումբ։

Ուզբեկստանի նախագահ Շավքաթ Միրզիյոևին և նրա կնոջը՝ Զիրոաթոն Միրզիյոևային, դիմավորել են Ադրբեջանի նախագահ Իլհամ Ալիևը և առաջին տիկին Մեհրիբան Ալիևան։

Նրանք բոլորով մասնակցել են օկուպացված Ֆիզուլիում կառուցված Միրզա Ուլուգբեկի անվան թիվ 1 միջնակարգ ամբողջական դպրոցի բացման արարողությանը։

Ադրբեջանի և Ուզբեկստանի նախագահները, ինչպես նաև երկու երկրների առաջին տիկինները հանդիպել են Ֆիզուլի քաղաքի բնակելի համալիրի նոր տներ տեղափոխված բնակիչների հետ։