«Հուսիթները ողջ հակամարտության ընթացքում իմաստուն կերպով գործեցին և մնացին մի կողմում։ Սակայն, այժմ, կարծես, Իրանն է նրանց ներքաշել այս փակուղու մեջ»։
Ըստ APA-ի, այս մասին լրագրողներին ասել է ԱՄՆ պետքարտուղար Մարկո Ռուբիոն Ֆիլիպինների մայրաքաղաք Մանիլայում կայացած ԱՍԵԱՆ-ի արտգործնախարարների հանդիպման շրջանակներում։
«Նրանք հարձակվում են Սաուդյան Արաբիայի, ինչպես նաև նրա նավերի վրա», – ընդգծեց ԱՄՆ պետքարտուղարը։
Ռուբիոն նշեց, որ մի քանի ժամ առաջ շրջանառվող հաղորդագրություններում խոսվում էր Սաուդյան Արաբիային պատկանող վառելիքային նավի մասին, որը նավարկում էր Չինաստանի դրոշի ներքո։
«Դա չինական նավ է։ Եթե նրանք հարձակվեն նաև դրա վրա, դա խնդիր կլինի Չինաստանի համար։ Դա խնդիր կլինի ամբողջ աշխարհի համար», – ասաց նա։
ԱՄՆ պետքարտուղարը հույս հայտնեց, որ իրավիճակը կհանդարտվի, և հուսիթները կհրաժարվեն նման գործողություններից։
«Նրանք ճիշտ էին, որ մի կողմ քաշվեցին։ Նրանք պետք է շարունակեն մի կողմ քաշվել և դադարեցնել այս գործողությունները», – ասաց Ռուբիոն։
