Համատիրությունները վերակազմավորվելու են. Ավինյան

ՔՊ Երևանի քաղաքապետի թեկնածու Տիգրան Ավինյանը հայտարարել է, թե առաջիկայում օրենսդրական փոփոխություններ են մշակվում՝ նպատակ ունենալով վերակազմավորել համատիրությունները․

«Այդ համատիրություններին ֆինանսավորում ենք մեր և կառավարության բյուջեից, մինչև բոլոր գործերը կբերեն, զրոյական մակարդակի կհասցնեն, մենք դուրս կգանք ֆինանսավորումից, դուք կշարունակեք»,- ասել է Տիգրան Ավինյանը։

Նա նաև նշել է, թե այդ վերլուծությունների արդյունքում էլ շենքերում վերելակները փոխելու գործը քաղաքապետարանն իր վրա է վերցրել.

«Մենք երկու օրինագիծ ենք անում․ առաջինը՝ սեփական տների մասով, երկրորդը՝ բնակարանների մասով, որոնք դեռ սեփականության իրավունք չեն ստացել»։