ԱՄՆ-ը չի ճանաչում ԼՂ նախագահական ընտրությունների արդյունքները․ Միլլեր

ԱՄՆ պետքարտուղարության մամուլի խոսնակ Մեթյու Միլլերը հայտարարել է, թե իրենք հետևողականորեն ընդգծում են Լեռնային Ղարաբաղում երթուղիների բացման և կողմերի միջև երկխոսության անհրաժեշտությունը․

«Թեև կարևոր է, որ Լեռնային Ղարաբաղն ունենա վստահության արժանի ներկայացուցիչներ՝ այս գործընթացի համար, ինչպես նախկինում ասել ենք, մենք չենք ճանաչում Լեռնային Ղարաբաղը որպես անկախ և ինքնիշխան պետություն, ուստի չենք ճանաչում այն, այսպես կոչված, նախագահական ընտրությունների արդյունքները, որոնք հայտարարվել են վերջին մի քանի օրերի ընթացքում»:

Միաժամանակ, նա ասել է, թե Միացյալ Նահանգները շարունակելու է վճռականորեն աջակցել Հայաստանի և Ադրբեջանի ջանքերին՝ չլուծված հարցերը ուղիղ երկխոսության միջոցով լուծելու համար․

«Այդ պատճառով պետքարտուղար Բլինքենը և կովկասյան բանակցությունների գծով ավագ խորհրդական Լու Բոնոն հետևողականորեն ներգրավված են եղել, և մենք շարունակելու ենք հետևողականորեն զբաղվել այդ հարցով»,– ասել է նա։