Մոսկվան անհանգստացած է ԼՂ-ում շարունակվող լարվածությամբ. Պեսկով

«Մոսկվան անհանգստացած է Լեռնային Ղարաբաղում շարունակվող լարվածությամբ, շարունակում է շփումները Բաքվի և Երևանի հետ և երկու կողմերին զսպվածության կոչ անում», – այդ մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։

«Իհարկե, մենք մտահոգված ենք, որ լարվածությունը չի թուլանում և որոշ ոլորտներում նույնիսկ աճի միտում ունի: Չնայած ամեն ինչին՝ Ռուսաստանը մնում է անվտանգության հուսալի երաշխավոր:

Մենք շարունակում ենք մեր շփումները և՛ Երևանի, և՛ Բաքվի հետ և, իհարկե, կոչ ենք անում երկուստեք զսպվածություն դրսևորել և գործել երկու տարի առաջ ստորագրված եռակողմ փաստաթղթերի ոգով՝ հաշվի առնելով այն նոր իրողությունները, որոնք ի հայտ են եկել դրանից հետո»,- հայտարարել է Պեսկովը։