Այդ խաղաղությունը դեռ հնարավորություն ունի իրականանալու. Միրզոյան

«Խաղաղությունը Հարավային Կովկասում այլընտրանք չունի». ԱԺ-կառավարություն հարցուպատասխանի ժամանակ հայտարարել է Հայաստանի արտգործնախարար Արարատ Միրզոյանը։

Նրա խոսքով, սակայն, շարունակաբար տեսնում ենք, որ կողմերից մեկը չի կիսում այդ մոտեցումը և պարբերաբար դիմում է կամ ուժի կիրառման, կամ ուժի կիրառման սպառնալիքի․

«Այժմ ԼՂ-ում գրեթե հայ չի մնացել․ սա էթնիկ զտումների քաղաքականության ցայտուն դրսևորում է, իրողութուն, որ ողջ աշխարհն է տեսել»,- ասել է նա՝ վստահեցնելով, որ Հայաստանը շարունակում է մնալ հավատարիմ Հարավային Կովկասում խաղաղություն կառուցելու հանձնառությանը.

«Այդ խաղաղությունը դեռ հնարավորություն ունի իրականանալու։ Այն կարող է լինել մեր կողմից հանրահռչակված սկզբունքների հիման վրա, Հայաստանի և Ադրբեջանի՝ միմյանց տարածքային ամբողջականության ճանաչման հիման վրա, ՍՍՀՄ ամենաթարմ լեգիտիմ քարտեզների հիման վրա»։

Նախարարը հիշեցրել է, որ այս մասին կողմերը քանիցս պայմանավորվել են։