Ադրբեջանի և Հայաստանի միջև հարաբերությունների կարգավորման համար նոր հեռանկար է բացվել:
Այս մասին, ինչպես հայտնում են ադրբեջանական լրատվամիջոցները, հայտարարել է Ադրբեջանի արտգործնախարար Ջեյհուն Բայրամովը՝ Թեհրանում «3+3» հարթակի արտգործնախարարների հանդիպման ժամանակ իր ելույթում:
Նախարարն ընդգծել է, որ տարածաշրջանի երկրների միջև անհրաժեշտ է պրագմատիկ, արդյունքին միտված և փոխադարձ հարգանքով համագործակցություն։
Նշենք, որ «3+3» հարթակի արտգործնախարարների հանդիպման ժամանակ ելույթ է ունեցել նաև Արարատ Միրզոյանը, նշելով` խնդիրները պետք է հասցեագրվեն, այլապես տարածաշրջանը ընդմիշտ կմնա անցյալում։