Ես լսել եմ այն մասին, որ ասվել է՝ ԼՂ-ի բյուջեն սառեցված է: Ես ինքս չեմ հասկանում բյուջեն սառեցնելը, որովհետև մենք հասանելիություն չունենք ԼՂ բյուջեին, որ մի հատ էլ դա սառեցնենք. մենք ունենք գումարներ, որը տրամադրում ենք իրենց: Այդ մասին ԱԺ-ում ճեպազրույցի ժամանակ ասաց ֆինանսների նախարար Վահե Հովհաննիսյանը:
«Այդ գումարների գերակշիռ մասը, որն այս տարվա համար նախատեսված է, արդեն տրամադրվել է ԼՂ-ին: Մինչև սեպտեմբեր մենք արդեն տրամադրել էինք ամբողջ գումարի մի զգալի մասը: Եթե ես ճիշտ եմ թիվը հիշում, մենք ընդամենը 6 մլրդ դրամ ունենք, որ չէինք հասցրել տրամադրել:
Ես չեմ զբաղվում, մենք չենք զբաղվել դրամական հոսքերի պլանավորմամբ. մեր գործընկերները ԼՂ ֆինանսների նախարարությունից իրենք են տնօրինել այդ գումարը, իրենք են որոշել՝ երբ, որքան այդ գումարից կվերցնեն և կծախսեն որոշ հարցերի վրա»,- նշեց նախարարը:
Վահե Հովհաննիսյանն ընդգծեց, որ ԼՂ-ին տրամադրվել է ավելի շատ գումար, քան պետք է վերցնեին տարվա սկզբում:
«Սկզբնական շրջանում գումարը բաշխված էր համամասնորեն, և պետք է ամեն ամիս վճարվեր 10 մլրդ-ի կարգի գումար, բայց ստացվում է, որ մնացել է երեք ամսվա համար շատ քիչ քանակի գումար, ինչի պատճառը նաև այն է, որ մեր գործընկերները, հաշվի առնելով այն ծայրահեղ կարիքները, որոնք առաջացել են ԼՂ-ում տարվա սկզբում, ցանկացել են ավելի շուտ ստանալ»,- ասաց նա:
Նախարարը տեղեկացրեց, որ 6 մլրդ-ը չհատկացնելու որոշում չկա:
«Մենք արդեն վճարում ենք փախստական դարձած անձանց ավելին, քան այդ 6 միլիարդն է: Մենք 30 մլրդ դրամից ավելի գումար ենք հատկացրել այդ մարդկանց և էլի հատկացնելու ենք»,- ընդգծեց Վահե Հովհաննիսյանը:
Շիրակի մարզ կատարած այցի շրջանակում, վարչապետ Նիկոլ Փաշինյանը հետևել է մարզում իրականացված ճանապարհների հիմնանորոգման աշխատանքներին:…
Ճանապարհաշինական աշխատանքներով պայմանավորված՝ հոկտեմբերի 19-ին՝ ժամը 13.00-15.00-ի սահմաններում, Խոտ-Որոտան ճանապարհի 8-րդ կմ հատվածում իրականացվելու են…
Բելառուսի նախագահ Ալեքսանդր Լուկաշենկոն Ուկրաինայի հարցով անսպասելի հայտարարություն է տարածել. «Ես միշտ պնդել եմ եւ…
ՀՀ Սահմանադրական դատարանը հանդես է եկել հայտարարությամբ, որում, մասնավորապես, ասված է. «Վերջին շրջանում հաճախակի են…
Արաբական Միացյալ Էմիրությունների ղեկավար Ալ Նահյանը կժամանի Ռուսաստան։ Երկուշաբթի Պուտինն ու Ալ Նահյանը կքննարկեն երկկողմ…
Երևանում հոկտեմբերի 18-ին և 19-ին, 21-22-ին ցերեկը սպասվում է կարճատև անձրև։ Հոկտեմբերի 20-ին և 23-ին…