ԱԺ-ն այսօր ընդունեց «Բնակչության բժշկական օգնության և սպասարկման մասին» օրենքում փոփոխությունների նախագիծը։ Ըստ այդմ, առաջարկվում է շարունակական մասնագիտական զարգացման (ՇՄԶ) հավաստագիր ունենալու պարտադիր պահանջը չտարածել 2023 թվականի սեպտեմբերի 19-ից հետո Լեռնային Ղարաբաղից բռնի տեղահանված միջին և ավագ բուժաշխատողների վրա` մինչև 2025 թվականի հունվարի 1-ը:
Առողջապահության նախարարի առաջին տեղակալ Լենա Նանուշյանի խոսքով բժշկական օգնություն և սպասարկում իրականացնելու համար ավագ և միջին բուժաշխատողները ՀՀ ներկա իրավակարգավորումներով պետք է ունենան աշխատանքի թույլտվությունը հավաստող փաստաթուղթ` ՇՄԶ հավաստագիր: Յուրաքանչյուր 5-ամյա շրջափուլում ավագ բուժաշխատողների համար պահանջվում է 220 ՇՄԶ կրեդիտ, դեղագետների համար` 160, միջին բուժաշխատողների համար` 140, դեղագործների համար` 100:
«2023 թվականի սեպտեմբերին Լեռնային Ղարաբաղի դեմ Ադրբեջանի սանձազերծած պատերազմի հետևանքով բռնի տեղահանված բուժաշխատողները չունեն ՇՄԶ հավաստագրեր, քանի որ Լեռնային Ղարաբաղում նախատեսված չէր հավաստագրման ինստիտուտ»,- ասաց փոխնախարարը՝ հավելելով, որ նախագծի ընդունման արդյունքում նախատեսվում է Լեռնային Ղարաբաղից բռնի տեղահանված ավագ և միջին բուժաշխատողներին հնարավորություն տալ շարունակելու մասնագիտական գործունեությունը` մինչև սահմանված ժամկետում ՇՄԶ հավաստագիր ստանալը:
ԱՄՆ նախագահ Ջո Բայդենը նամակ է հղել ՀՀ վարչապետ Նիկոլ Փաշինյանին: Նամակում ասվում է հետևյալը՝…
Ադրբեջանի նախագահի օգնական Հիքմեթ Հաջիևը և երկրի արտգործնախարար Ջեյհուն Բայրամովը հանդիպել են մուսուլմանական երկրների դեսպանների…
Հոկտեմբերի 22-ին ՀՀ ԱԳ նախարար Արարատ Միրզոյանն ընդունել է ԱՄՆ նախագահի հատուկ օգնական, ազգային անվտանգության…
Կազանում մեկնարկել են Ռուսաստանի և Չինաստանի նախագահների բանակցությունները։ ՌԴ նախագահը հայտարարել է, որ Մոսկվայի և…
Լիբանանյան «Հըզբոլլահ» խմբավորումը ստանձնել է Իսրայելի վարչապետ Բենյամին Նեթանյահուի տան վրա անօդաչու թռչող սարքով հարձակման…
Հոկտեմբերի 18-ին Մոսկվայում տեղի է ունեցել հանդիսավոր ընդունելություն՝ նվիրված Հայաստանի անկախության օրվան: Իր ելույթում ՌԴ-ում…