«Քաղաքական գործիչները պադյեզդներում չեն սպանվում». Փաշինյանը՝ Քոչարյանին

«Չենք կարող բոլոր երկրների վիճակագրությանը հետևել, բայց կարող ենք հետևել Հայաստանի նախկին շրջանի վիճակագրությանն ու ասել, որ քաղաքական գործիչները պադյեզդներում չեն սպանվում, ժողովրդի վրա չեն կրակում, ընտրությունները չեն կեղծում, սրա-նրա հետ բիզնեսում փայ չեն մտնում, Եռաբլուրի հողամասերը չեն սեփականաշնորհում»,- ասել է վարչապետ Նիկոլ Փաշինյանը՝ պատասխանելով ԱԺ «Հայաստան» խմբակցության պատգամավոր Լևոն Քոչարյանի հարցին։

Նա նշել է, որ չեն կարող ասել, թե հասել են երազած ժողովրդավարությանը. «Կասկած չունենք, որ անկախ դատական համակարգի արդարության և արդարադատության մեր իդեալին հասնելու ենք»։

Փաշինյանը նաև ասել է. «Իրավունք ունե՞ն Լեո-Պարոնյան խաչմերուկում տեղի ունեցած միջադեպի մասին խոսել նրանք, որոնք «Առագաստ» սրճարանում ծեծելով սպանել են ՀՅԴ անդամ Պողոս Պողոսյանին»։