Տարածքային կառավարման և ենթակառուցվածքների նախարարությունը մշակել է կառավարության որոշման նախագիծ, որով առաջարկվում է ավելացնել տրանսպորտային միջոցների շահագործումն արգելող նոր պայման. տարվա ամիսներից կախված՝ տրանսպորտային միջոցների վրա համապատասխան անվադողերի բացակայությամբ պայմանավորված արգելել դրանց շահագործումը:
Նախատեսվում է, որ նախագծի ընդունման արդյունքում անբարենպաստ եղանակային պայմաններին (նոյեմբերի 15-ից մինչև մարտի 31-ը ներառյալ) կնվազի անհամապատասխան անվադողերով երթևեկող տրանսպորտային միջոցների մասնակցությամբ պայմանավորված ճանապարհատրանսպորտային պատահարների քանակը:
Նշված պահանջներին չհամապատասխանող տրանսպորտային միջոցները «Վարչական իրավախախտումների վերաբերյալ» ՀՀ օրենսգրքի 123-րդ հոդվածի 1-ին մասին համապատասխան կենթարկվեն համապատասխան տուգանքների։
Ըստ հիմնավորման՝ նոյեմբերի 15-ից մինչև մարտի 31-ը ընկած ժամանակաշրջանն ընտրվել է՝ հաշվի առնելով հանրապետությունում օդի միջին օրական ջերմաստիճանը և տեղումների քանակը։
Միաժամանակ, հունիս, հուլիս և օգօստոս ամիսներին էլ կարգելվի ձմեռային բութակավորված անվադողերով երթևեկությունը. ըստ հիմնավորման՝ արգելքը նպատակ ունի բարձրացնելու ճանապարհային երթևեկության անվտանգությունը, ինչպես նաև ապահովելու ճանապարհի ծածկի վնասումը մետաղական բութակներից։
Հիմնավորման մեջ նշվում է, որ առաջարկվող լրացումների ընդունումը կնպաստի անբարենպաստ եղանակային պայմաններում երթևեկության անվտանգության բարձրացմանը, ինչպես նաև ճանապարհատրանսպորտային պատահարների, զոհերի և (կամ) վիրավորների քանակի նվազեցմանը:
Վրաստանում խորհրդարանական ընտրություններից վեց օր առաջ Թբիլիսիում ընթանում է «Վրաստանն ընտրում է Եվրամիությունը» երթը, որին…
Մադրիդի «Ռեալը» վստահ է, որ «Ոսկե գնդակին» այս տարի կարժանանա Վինիսիուս Ժունիորը: Ըստ As-ի՝ չնայած…
Տեղի ունեցավ ReA անիմացիոն ֆիլմերի 16-րդ փառատոնի բացման հանդիսավոր արարողությունը։ Բացմանը արարողությանը ներկա էին Երևանի…
Բուլղարիայում ընթացող մինչև 22 տարեկանների Բռնցքամարտի Եվրոպայի առաջնությունում 51 կգ քաշային Ռուդոլֆ Գարբոյանը հաղթեց ադրբեջանցի Նիջաթ Հուսեյնովին…
Իրանում Հայաստանի դեսպանը ներկայացրել է Թեհրանի և Երևանի տարբեր քաղաքական, տնտեսական և էներգետիկ ոլորտներում և…
Իսրայելի վարչապետ Բենիամին Նեթանյահուն հեռախոսազրույց է ունեցել ԱՄՆ նախկին նախագահ Դոնալդ Թրամփի հետ, հայտնել են…