Ադրբեջանը վճռական է արագ ավարտել ՀՀ-ի հետ խաղաղության պայմանագրի շուրջ բանակցությունները
Ադրբեջանը վճռական է Հայաստանի հետ խաղաղության պայմանագրի շուրջ բանակցություններն արագ ավարտելու հարցում։ Այս մասին Известия-ին հայտնել է Ադրբեջանում Ռուսաստանի դեսպան Միխայիլ Եվդոկիմովը։
«Ղարաբաղի հետ կապված հարցը փակված է: Այս բոլոր տարիներին Ռուսաստանը ջանքեր է գործադրել ղարաբաղյան հիմնախնդիրը խաղաղ ճանապարհով լուծելու համար։ Ցավոք սրտի, չստացվեց, այս թեման փակվեց սեպտեմբերին ռազմական գործողությամբ։ Ռուսաստանը միշտ շատ կարևոր դեր է խաղում կարգավորման հարցում, և այժմ պատրաստ է առավելագույն աջակցություն ցուցաբերել խաղաղության պայմանագրի բանակցություններում»,- նշել է Եվդոկիմովը։
Դեսպանի խոսքով՝ այն, ինչ առաջարկում է ադրբեջանական կողմը, միանգամայն արդարացված է, ստանդարտ ձևակերպումներ և հոդվածներ, որոնք, որպես կանոն, կան կողմերի միջև կնքված խաղաղության պայմանագրերում։ Եվ, սկզբունքորեն, այն առաջարկների հիման վրա, որ անում է Բաքուն, նրա կարծիքով, բանակցությունները կարող են բավականին արագ ավարտվել։
«Մենք պատրաստ ենք տրամադրել մոսկովյան հարթակը, պատրաստ ենք անհրաժեշտության դեպքում տրամադրել մեր փորձագիտական կարողությունները, տեքստի վերաբերյալ մեր խորհուրդները։ Այստեղ մենք շատ լավ հարաբերություններ ունենք մեր ադրբեջանցի գործընկերների հետ։
Ես տեսնում եմ, որ Ադրբեջանը հաստատակամ է շատ արագ ավարտել խաղաղության պայմանագրի ստորագրման բանակցությունները։ Բայց, ինչպես գիտենք, բանակցություններն ավարտին հասցնելու համար երկու կողմն էլ պետք է նման ցանկություն ունենա»,- ասել է դեսպանը։
Ինչ վերաբերում է ԼՂ-ում խաղաղապահների գտնվելու հետագա ռեժիմին, դեսպանը հայտարարել է, որ այժմ Ադրբեջանի ԱԳՆ-ի հետ համաձայնեցվում են խաղաղապահ զորակազմի վերաբերյալ Մոսկվայի և Բաքվի միջև բանակցությունների հաջորդ փուլի ժամկետները, նրանց գտնվելու ժամկետը լրանում է 2025 թվականին:
«Այժմ ռուս խաղաղապահները՝ ադրբեջանական ուժերի հետ միասին, պարեկություն են իրականացնում տարածքում՝ պաշտպանելով շենքերն ու մշակութային կառույցները»,- եզրափակել է դեսպանը։
Recent Posts
Ամեն ինչ կախված է ՌԴ՝ խաղաղության հասնելու ձգտումից
Կիևում մեկնարկել է Ուկրաինայի նախագահ Վոլոդիմիր Զելենսկու և օտարերկրյա առաջնորդների համատեղ մամուլի ասուլիսը՝ Ուկրաինա ռուսական…
Վիզաների ազատականացումը կնպաստի մարդկային շփումներին․ վարչապետ
Վարչապետ Նիկոլ Փաշինյանն ընդունել է ԵՄ-Հայաստան խորհրդարանական գործընկերության կոմիտեի համանախագահ Նիլս Ուշակովսի գլխավորած պատվիրակությանը: Վարչապետը…
Netflix-ը 1 միլիարդ դոլար կներդնի Մեքսիկայում
Netflix-ի գլխավոր գործադիր տնօրենը հայտարարել է, որ շուրջ 1 միլիարդ դոլար ներդրում անելով առաջիկա 4…
Վրաստանը պատրաստ է Ամերիկայի և Եվրոպայի հետ հարաբերությունները սկսել զրոյից․ Կալաձե
Վրաստանի իշխանությունները պատրաստ են վերականգնել հարաբերությունները Ամերիկայի և Եվրոպայի հետ և ամեն ինչ սկսել զրոյից,…
Ռուսաստանը՝ Sputnik-Ադրբեջանի փակման մասին
Ադրբեջանը «հասկանում է Ռուսաստանի հետ դաշինքի կարևորությունը», և Մոսկվան «ակնկալում է, որ Բաքուն իր հետագա…
Դեսպան Կարապետյանն իր հավատարմագրերն է հանձնել Իտալիայի նախագահին
Իտալիայում ՀՀ նորանշանակ դեսպան Վլադիմիր Կարապետյանն իր հավատարմագրերն է հանձնել Իտալիայի Հանրապետության նախագահ Սերջո Մատարելլային:…