Ֆրանսիայի ԶՈւ նախարար Սեբաստիեն Լըկորնյուն հայտարարել է, թե Սուրեն Պապիկյանի հետ քննարկել է Հայաստանին միստրալ հրթիռներ տրամադրելու հարցը. «Միստրալ հրթիռների մասին ենք խոսել այս առավոտ։ Գաղտնիք չեմ բացում։
Սրանք մոտահար հրթիռային սարքեր են։ Ինչ վերաբերում է վերապատրաստմանը, դրանք գործածելը բավական հեշտ է։ Մեկ քննարկում արդեն ունեցել ենք, որ հնարավորություն կտա առաջարկել այդ շերտի պաշտպանությունը։
Երկրորդ շերտի պաշտպանության համար առաջարկելու ենք միջին շերտի օդային պաշտպանություն։ Պարոն նախարարի հետ խոսել ենք։ Ես ընդամենը ներկայացնում եմ ֆրանսիական հնարավորությունները՝ և սպառազինության, և վերապատրաստման։ Բայց այստեղ կա նաև արտադրության հարցը»,- ասել է նա։
Լըկորնյուի խոսքերով՝ առաջիկայում GM-200 ռադարներ կմատակարվեն։
Նախարարը շեշտել է, որ ամեն անգամ խոսել են պաշտպանական զենքերի մասին.
«Երբ տեսնում եմ որոշ պատմություններ, որ այստեղ ու այնտեղ ներկայացվում են, հիշեցնեմ՝ միակ ձևը, որ հակաօդային պաշտպանությունը չկիրառվի, այն է, որ ոչ ոք ոչ մեկի վրա չհարձակվի»։
Նա նաև ընդգծել է. «Իրականում եթե Հայաստանը սպառնալիքի տակ չլիներ, մենք այս քննարկումների կարիքը չէինք ունենա։ Հետևաբար, սպառնալիքներն են, որ հանգեցրել են հայկական կողմին խոսել նաև պաշտպանության մասին»։
