Telegram-ի հիմնադիր Պավել Դուրովը Ռուսաստանում ընդգրկվել է ահաբեկիչների և ծայրահեղականների ցուցակում։ Հիշեցնենք, որ հուլիսի 29-ին Ռուսաստանի Դաշնության Անվտանգության դաշնային ծառայությունը (ԱԴԾ) հայտնել էր, որ Դուրովին մեղադրանք է առաջադրվել ահաբեկչությանն օժանդակելու վերաբերյալ քրեական գործի շրջանակում՝ Telegram-ից արգելված բովանդակությունն ու ալիքները չհեռացնելու համար։ Նրան սպառնում է մինչև 15 տարվա ազատազրկում։
ԱԴԾ-ի տվյալներով՝ «Դայվինչիկ» ծանոթությունների ծառայության միջոցով չարագործները, ներկայանալով որպես աղջիկներ, ծանոթացել են Ռուսաստանի քաղաքացիների հետ, նշանակել հանդիպումներ և վճարել տոմսերի կամ նվերների համար՝ ֆիշինգային հղումների միջոցով։ Այնուհետև նրանց հետ կապ են հաստատել անձինք, որոնք ներկայացել են որպես ռուսական իրավապահ մարմինների կամ Ռոսֆինմոնիտորինգի աշխատակիցներ։ ԱԴԾ-ի պնդմամբ՝ անցած տարվա հուլիսից ՆԳՆ-ի և Քննչական կոմիտեի հետ համատեղ գործողությունների արդյունքում Ռուսաստանի 16 մարզերում ձերբակալվել է 12-ից 22 տարեկան 46 քաղաքացի։
