Խաղաղության բանակցությունները չեն դադարել. Ռուբինյան

ՀՀ ԱԺ փոխնախագահ Ռուբեն Ռուբինյանը հանդես է գալիս Անթալիայի դիվանագիտական ֆորումի պանելային քննարկմանը․

«Խաղաղության բանակցությունները կանգ չեն առել։ Մեր մոտեցումն այն է, որ նախորդ տարի Հայաստանն ու Ադրբեջանը համաձայնել են խաղաղության հիմնական սկզբունքների վերաբերյալ՝ փոխադարձ տարածքային ամբողջականության ճանաչումը Ալմա Աթայի հռչակագրի հիման վրա։

Երկրորդը՝ սահմանազատումն ու սահմանագծումը պետք է լինեն Ալմա Աթայի հռչակագրի հիման վրա։ Եվ հաջորդը՝ տարածաշրջանի բոլոր հաղորդուղիները պետք է ապաշրջափակվեն։

Եթե մենք կարողանանք գրի առնել այս սկզբունքները, ապա խաղաղությունը շատ մոտ ապագայում հնարավոր է։ Մենք մեր կողմից պատրաստ ենք և անում ենք ամենն, ինչ հնարավոր է, նույնը, սակայն, չենք տեսնում Ադրբեջանի կողմից»։