ՀՀ–ԵՄ մուտքի արտոնագրերի ազատականացման երկխոսության շուրջ առանձին բանաձև և/կամ քննարկում չի նախատեսվում, հայտնել են ՀՀ արտաքին գործերի նախարարությունից՝ ի պատասխան Sputnik Արմենիայի հարցման, թե Հայաստանի քաղաքացիներն ի վերջո երբ կմեկնեն ԵՄ երկրներ առանց վիզայի։
«Հայկական կողմը շարունակական ջանքեր է գործադրում ՀՀ–ի համար առանցքային հարցերը Եվրոպական խորհրդարանի, ինչպես նաև ԵՄ այլ կառույցների ուշադրության կենտրոնում պահելու ուղղությամբ, այդ թվում՝ նպաստելով այս կամ այն ձևաչափով նշյալ առանցքային հարցերի շուրջ թիրախային քննարկումներին, ինչպես նաև համապատասխան բանաձևերի, հայտարարությունների մշակմանն ու ընդունմանը»,- ասված է ԱԳՆ պատասխանում:
