ԵՄ-ն սպառնացել է Իրանին լրացուցիչ պատժամիջոցներ կիրառել

Եվրահանձնաժողովի ղեկավար Ուրսուլա ֆոն դեր Լայենը հայտարարել է, որ ԵՄ-ն լրացուցիչ պատժամիջոցներ կսահմանի Իրանի դեմ Ռուսաստանի Դաշնություն ենթադրյալ բալիստիկ հրթիռների մատակարարման դեպքում։

Մոսկվան և Թեհրանը նախկինում բազմիցս հերքել էին Արևմուտքի մեղադրանքները՝ անվանելով դրանք չհիմնավորված։

«Ես կավելացնեմ, որ մենք պատրաստ ենք լրացուցիչ պատժամիջոցներով պատասխանել, եթե Իրանը Ռուսաստանին բալիստիկ հրթիռներ տրամադրի»,- ասել է ԵՀ ղեկավարը երեքշաբթի օրը Ստրասբուրգում տեղի ունեցած լիագումար նիստում իր ելույթյում։

Հիշեցնենք, որ փետրվարի վերջին արևմտյան լրատվամիջոցները հաղորդում էին, որ Իրանը հունվարի սկզբից ենթադրաբար մոտ 400 բալիստիկ հրթիռ է փոխանցել Ռուսաստանին։

ՄԱԿ-ում Իրանի մշտական ներկայացուցիչ Ամիր Սաիդ Իրվանին հերքել է արևմտյան լրատվամիջոցների այս հաղորդագրությունները և ասել, որ Իսլամական Հանրապետությունը հավատարիմ է միջազգային իրավունքին և ՄԱԿ-ի կանոնադրությանը:

Իր հերթին ՌԴ ԱԳ նախարար Սերգեյ Լավրովը RIA Novosti-ին տված հարցազրույցում ասել է, որ Արևմուտքի պնդումները Ռուսաստանին իրանական զենքի մատակարարման վերաբերյալ մնում են չապացուցված։