«Իսկապես, գերատեսչական նամակ է եկել այդ կապակցությամբ». Պեսկով

ՌԴ նախագահի մամուլի քարտուղար Դմիտրի Պեսկովը հայտնել է, որ Հայաստանը տեղեկացրել է Ռուսաստանին՝ «Զվարթնոց» օդանավակայանում ռուս սահմանապահների աշխատանքը դադարեցնելու կապակցությամբ, հաղորդել է ՏԱՍՍ-ը։

«Իսկապես, գերատեսչական նամակ է եկել այդ կապակցությամբ, և հիմա գերատեսչությունների գծով շփումներ են իրականացվում։ Հիմա ավելին ասել չեմ կարող», – ասել է խոսնակը՝ հավելելով, որ շփումները բոլոր հնարավոր մակարդակներում կշարունակվեն։