Վահագն Խաչատուրյանը մասնակցել է ԳԱԱ տարեկան ընդհանուր ժողովին

Հանրապետության նախագահ Վահագն Խաչատուրյանը մասնակցել է Հայաստանի Հանրապետության Գիտությունների ազգային ակադեմիայի տարեկան ընդհանուր ժողովին և հանդես եկել ելույթով:

Իր խոսքում նախագահ Խաչատուրյանը կարևորել է Գիտությունների ազգային ակադեմիայի՝ որպես երկրի գիտական մտքի կենտրոնի դերը՝ ընդգծելով նրա առանցքային նշանակությունն ազգային զարգացման ռազմավարության շրջանակում։

Նախագահը մասնավորապես անդրադարձել է Ակադեմիայի առջև դրված գիտական և հասարակական նշանակության խնդիրներին, ինչպես նաև արդյունավետ կառավարման ու համագործակցության նոր մեխանիզմների ներդրման անհրաժեշտությանը:

Նա ընդգծել է, որ ժամանակակից աշխարհում գիտությունն անբաժանելի է ազգային անվտանգության, տնտեսության զարգացման, բնապահպանական և տեխնոլոգիական առաջընթացի գործընթացներից։ Այդ համատեքստում նախագահ Խաչատուրյանը խոսել է ակադեմիական ոլորտում իրականացվող բարեփոխումների սկզբունքների մասին՝ ընդգծելով դրանց նպատակաուղղված լինելը՝ խթանելու գիտության ոլորտի միջազգային մրցունակությունն ու նորարարական ներուժը:

Ելույթի ընթացքում նախագահը կարևորել է նաև երիտասարդ գիտնականների ներգրավվածությունը, գիտահետազոտական ոլորտում նորարարական մոտեցումների խրախուսումը, ինչպես նաև գիտության և տնտեսության սերտ կապի ձևավորումը։