Ֆրանսիան երբեք չի հանդուրժի ատելությունը․ Մակրոնը՝ մզկիթի վրա հարձակման մասին

Ֆրանսիայի նախագահ Էմանուել Մակրոնը Twitter-ի իր պաշտոնական էջում անդրադարձել է Բայոն քաղաքի մզկիթի մոտ տեղի ունեցած կրակոցներին, ինչի հետևանքով վիրավորվել էր երկու մարդ:

Նա դատապարտել է միջադեպը՝ վստահեցնելով, որ Ֆրանսիան երբեք  չի հանդուրժի ատելությունը։

«Ամեն ինչ կարվի՝ հարձակվողներին պատժելու և մեր համաքաղաքացի մահմեդականներին պաշտպանելու համար», – Twitter- ի իր պաշտոնական էջում գրել է Ֆրանսիայի առաջնորդը:

Հոկտեմբերի 28-ին Ֆրանսիայի Բայոն քաղաքում մզկիթի առջև կրակոցներ են հնչել։ Այնուհետև տղամարդը պայթուցիկ սարք է նետել մզկիթի մեջ և փորձել է փախչել, սակայն իրավապահները բռնել են նրան։

Պարզվել է հարձակվողի ինքնությունը: Նա 2015-ին տեղի ունեցած ՏԻՄ ընտրություններում հաղթած 84-ամյա Կլոդ Ս.-ն է ՝«Ազգային ճակատ» կուսակցության թեկնածուն:

Ոստիկանական աղբյուրներից LCI հեռուստաալիքի ստացված տեղեկատվության համաձայն ՝ տղամարդը կապված է «ֆաշիստական ​​շարժման» հետ:

Վերջին տեղեկության համաձայն՝ կրակոցներից տուժած անձինք 74 և 78 տարեկան են: