Պայթյուն Թբիլիսիի հրաձգարանում

Թբիլիսիի Բոճորմի փողոցում գտնվող Battleground (Սասրոլեթի) խանութի հրաձգարանում պայթյուն է տեղի ունեցել։

Ժամը 14:00-ի դրությամբ հաղորդվում է 2 զոհի և 4 վիրավորի մասին։ Վիրավորներին շտապ օգնության բժիշկների խումբը տեղափոխել է տարբեր հիվանդանոցներ, տեղեկացրել է Վրաստանի ներքին գործերի նախարարությունը (ՆԳՆ)։

ՆԳՆ հաղորդագրության համաձայն, պայթյունի մասին ծանուցումն ստանալուն պես դեպքի վայր են ժամանել ՆԳՆ համապատասխան ստորաբաժանումների աշխատակիցները, այդ թվում՝ հրշեջներ և փրկարարներ, պարեկային և քրեական ոստիկանության ներկայացուցիչներ։

Ձեռնարկվում են բոլոր անհրաժեշտ միջոցառումները։ Պայթյունի պատճառը դեռևս հայտնի չէ, գրել է aliq.ge-ն։