«Ակնկալում եմ, որ երկու կողմն էլ կցուցաբերեն անհրաժեշտ կառուցողականություն». Շոլց

Գերմանիայի կանցլեր Օլաֆ Շոլցն Ադրբեջանի նախագահ Իլհամ Ալիևի հետ ընդլայնված հանդիպումից հետո կայացած մամուլի ասուլիսին՝ անդրադառնալով հայ-ադրբեջանական խաղաղության բանակցություններին, ասել է. ««Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիրը»։

«Լավ է, որ երկու երկրների ղեկավարները երկխոսության մեջ են։ Ինձ հետ վերջին հանդիպման ժամանակ Դուք ասացիք, որ բոլոր հարցերը կլուծվեն քննարկումների միջոցով։ Ես ակնկալում եմ, որ երկու կողմն էլ կցուցաբերեն անհրաժեշտ կառուցողականություն: Գերմանիան պատրաստ է աջակցել երկու երկրներին անհրաժեշտ փոխզիջումների որոնման հարցում», – նշել է Շոլցը։  Կանցլերն ասել է, որ ստացել է Հայաստանի և Ադրբեջանի միջև սահմանազատման գործընթաց սկսելու մասին լուրը և դրական գնահատում դա: