Թաիլանդի վարկանիշային մրցաշարին ՀՀ-ից կմասնակցի 10 բռնցքամարտիկ

Հայաստանի բռնցքամարտի հավաքականը Փարիզի Օլիմպիական խաղերի վարկանիշային վերջին մրցաշարում 10 մասնակից կունենա:

Հայաստանի հավաքականի գլխավոր մարզիչ Կարեն Աղամալյանը ներկայացրել է կազմը.

Բարեղամ Հարությունյան (51 կգ), Արթուր Բազեյան (57 կգ), Նարեկ Հովհաննիսյան (63,5 կգ), Գուրգեն Մադոյան (71 կգ), Ռաֆայել Հովհաննիսյան (80 կգ), Նարեկ Մանասյան (92 կգ), Դավիթ Չալոյան (92+), Անուշ Գրիգորյան (52 կգ), Եկատերինա Սիչովա (54 կգ), Անի Հակոբյան (66 կգ):

Միջազգային օլիմպիական կոմիտեի հովանու ներքո անցկացվող մրցաշարը վերջինն է, որտեղ բռնցքամարտիկները կկարողանան ուղեգիր նվաճել Փարիզի 33-րդ ամառային Օլիմպիական խաղերի համար:

Թաիլանդի վարկանիշային մրցաշարը կմեկնարկի մայիսի 23-ին:

Հայաստանի դեռևս ոչ մի ուղեգիր չի նվաճել բռնցքամարտում: