Նոր Կալեդոնիայում (Ֆրանսիայի անդրծովյան տարածք Խաղաղ օվկիանոսում) անկախության կողմնակիցների բողոքի ակցիաների ընթացքում տեղի ունեցած անկարգությունների հետևանքով ձեռնարկություններին հասցված վնասի չափը կարող է հասնել 1 միլիարդ եվրոյի: «Արմենպրես»-ի փոխանցմամբ՝ այդ մասին հաղորդել է France TV Info-ն՝ վկայակոչելով Նոր Կալեդոնիայի Առևտրաարդյունաբերական պալատի ներկայացուցիչ Դավիդ Գիյենին:
«Այսօրվա դրությամբ մենք մոտենում ենք 1 միլիարդ եվրոյին», – ասել է նա France Culture ռադիոկայանի եթերում:
Ավելի վաղ նա հայտնել էր 200 միլիոն եվրոյի վնասի մասին։
Գիյենը նշել է, որ սա զգալի գումար է անդրծովյան տարածքի համար, որտեղ անկարգությունների պատճառով տուժել են տնտեսության բոլոր ճյուղերը՝ արդյունաբերությունից մինչև առևտուր, հատկապես՝ ավտոսրահները:
«Մենք նաև պետք է մտածենք տնտեսության համար անուղղակի ծախսերի մասին: Հրկիզվել և ավերվել է 200 ձեռնարկություն, որտեղ աշխատում էր ավելի քան 2000 մարդ: Համայնքը պետք է կարողանա ապահովել աշխատավարձի վճարումը և հատուցի գործազրկության համար, ինչպես նաև աջակցի այն ձեռնարկություններին, որոնք, հնարավոր է, չեն հրկիզվել կամ վնասվել, բայց որոնք ստիպված կլինեն բավականին երկար ժամանակ աշխատել լիովին վատթարացած տնտեսական միջավայրում», – ասել է նա:
Նոր Կալեդոնիայում խռովությունների առիթ էր դարձել Ֆրանսիայի խորհրդարանի կողմից ընդունված օրինագիծը, որով նահանգային ընտրություններում ընտրելու իրավունք է տրվում Ֆրանսիայի այն քաղաքացիներին, որոնք 10 տարի ապրել են Նոր Կալեդոնիայում։ Ըստ տեղացի ղեկավարների՝ դա կթուլացնի բնիկների էլեկտորալ ազդեցությունը։
Մայրաքաղաք Նումեայում անկարգությունների մասնակիցները թալանել ու հրկիզել են խանութներ, դեղատներ, ավտոլցակայաններ։ Ֆրանսիայի իշխանությունները հայտարարել են հարյուրավոր տուժածների մասին, 6 մարդ զոհվել է։ Նոր Կալեդոնիայում մայիսի 15-ին 12 օրով արտակարգ դրություն է հայտարարվել, իսկ զինվորականներին ներգրավել են նավահանգիստների և օդանավակայանների պահպանման գործին։
ՀՀ ՏԿԵ նախարար Գնել Սանոսյանի ուշադրության կենտրոնում է նաև հանքարդյունաբերության ոլորտը: Այդ մասին հայտնում են…
Իսրայելի պաշտպանության բանակը հայտարարել է, որ «Հեզբոլլահի» բարձրաստիճան պաշտոնյա Նաբիլ Քաուկը սպանվել է անցած գիշեր…
«Հանուն Հանրապետության» կուսակցության նախագահ Արման Բաբաջանյանը ֆեյսբուքյան իր էջում գրում է․ «Մայր Աթոռ Սուրբ Էջմիածնի…
Ադրբեջանի ՊՆ հաղորդագրությունը, թե իբր սեպտեմբերի 28-ին՝ ժամը 23։20-ի սահմաններում, ՀՀ ԶՈՒ ստորաբաժանումները կրակ են…
Վարչապետ Նիկոլ Փաշինյանը տիկնոջ՝ Աննա Հակոբյանի հետ Սևանի Արևիկ հանգստյան գոտում հանդիպել է «ՀՀ վարչապետի…
Իսրայելի կողմից «Հեզբոլլահի» ղեկավար Հասան Նասրալլայի սպանությունը կվերափոխի Մերձավոր Արևելքի ուժային կառույցները։ Նման հայտարարություն է…