«Տեղումնառատ ցիկլոնն արդեն սկսել է թուլանալ». Գագիկ Սուրենյան (տեսանյութ)
Առաջիկա օրերին հանրապետությունում հորդառատ տեղումներ ու գետերում վարարումներ չեն կանխատեսվում, «Արմենպրես»–ի հետ զրույցում ասել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
«Հուրախություն մեզ, տեղումնառատ ցիկլոնն արդեն սկսել է թուլանալ։ Ճիշտ է, Լոռի, Տավուշ հատվածում եղան տեղումներ, սակայն դրանք 4-5 անգամ ավելի թույլ են, քան նախորդ օրվա ընթացքում եղած անձրևները։ Առաջիկա 5 օրերին մենք ակտիվ ցիկլոնային գործունեություն չենք սպասում, կլինեն ներզանգվածային տեղումներ, սակայն դրանք առանձնապես չեն ազդի գետերի հոսքի վրա։ Գետերում վարարումների հավանականություն չկա»,- ասել է Գագիկ Սուրենյանը։
Ինչ վերաբերում է օդի ջերմաստիճանին, ապա մասնագետը տեղեկացրել է, որ այսօրվանից արդեն հարավ արևմուտքից առկա է տաք օդային հոսանքների ներհոսք, ինչը կշարունակվի մինչև մայիսի 31-ը։ Օդի ջերմաստիճանը հանրապետությունում կբարձրանա 4-6 աստիճանով։ Լոռիում, Տավուշում, Սյունիքում օդի ջերմաստիճանը կբարձրանա 8-10 աստիճանով։ Արդեն մայիսի 30-ին և 31-ին Երևանում և Արարատյան դաշտում կգրանցվի +30 աստիճան տաքություն։
Խոսելով մայիսին գրանցված եղանակային պայմաններից՝ Գագիկ Սուրենյանը նշել է, որ Հայաստանում մայիսը, սովորաբար համարվում է տարվա ամենատեղումնառատ ամիսը։ Թեպետ այս տարի գարնան վերջին ամիսն իր տեղումների ծավալով ու ուժգնությամբ զարմացրեց նույնիսկ օդերևութաբաններին։ Իհարկե, նախապես կանխատեսվել էր, որ մայիսը լինելու է անձրևային ու խոնավ, սակայն ցիկլոնը դրսևորվեց Հայաստանին ոչ այդքան բնորոշ տեղումների ինտենսիվությամբ, կարկտահարությունների մեծ մասշտաբներով, ամպրոպների հաճախականությամբ։
«Մայիս ամսվա ընթացքում գրեթե բոլոր մարզերում ունեցանք կարկտահարություններ։ Հատկապես խոցելի եղան Արմավիրի, Արագածոտնի մարզերը, որտեղ նույնիսկ մի քանի անգամ եղան կարկտահարություններ։ Նաև ինտենսիվ տեղումների դեպքեր գրանցվեցին Երևանում, եղան հեղեղումներ, առանձին հատվածներում՝ ջրածածկումներ»,-ասել է Գագիկ Սուրենյանը։
Համեմատության համար մասնագետը նշել է՝ մայիսի 2-րդ տասնօրյակում եղել է օր, երբ Երևանում ամսվա տեղումների նորմայի 40 տոկոսը թափվել է մեկ ժամվա ընթացքում։ Առատ տեղումները հանրապետությունում շարունակվել են նաև մայիսի վերջին՝ հանգեցնելով մեծ ավերածությունների։ Հատկապես տուժել են Լոռու և Տավուշի մարզերը։ Մայիսի 25-26-ն ընկած ժամանակահատվածում Լոռու, Տավուշի հատվածում այնքան շատ տեղումներ են եղել, որքան Երևանում նորմայով լինում է ամբողջ մայիս ամսվա ընթացքում։ Հորդառատ անձրևներով պայմանավորված տեղի ունեցան գետերի վարարումներ, որոնք 1959 թվականից այս կողմ 2-րդ էին իրենց ծավալներով։
Recent Posts
Բուժառուներին անվճար կհատկացվի ևս 1 թանկարժեք դեղ
Առողջապահության նախարարությունը «Հայաստան-Արցախ» հիմնադրամի կողմից մարդասիրական օգնություն է ստացել ԱՄՆ-ի Ամգեն ԻՆԿ. դեղագործական ընկերության արտադրության…
Հյուսիսային Կորեան զորախումբ է ուղարկել Ռուսաստան
Հյուսիսային Կորեան զինվորականներ է ուղարկել Ռուսաստան. հայտարարել է Հարավային Կորեայի հետախուզությունը։ Ըստ հետախուզության տվյալների՝ հյուսիսկորեացի…
Վրաստանի կառավարության քայլերը փաստացի կասեցրել են անդամակցությունը ԵՄ-ին․Մակրոն
Ֆրանսիայի նախագահ Էմանուել Մակրոնը մեկնաբանել է Եվրամիության գագաթնաժողովից հետո Եվրոպական խորհրդի հրապարակած հայտարարությունը Վրաստանում ստեղծված…
Չեխիայի համար կարևոր է Հայաստանի հետ հարաբերությունների խորացումը. Միլոշ Վիստարչիլը՝ ՀՀ ԱԺ նախագահին
ՀՀ ԱԺ նախագահ Ալեն Սիմոնյանը Չեխիա կատարած պաշտոնական այցի շրջանակում հանդիպել է Չեխիայի խորհրդարանի Սենատի…
Վրաստանը կարող է կորցնել ամբողջ եվրոպական ֆինանսական օգնությունը․ ԵՄ դեսպան
Վրաստանը կարող է կորցնել Եվրամիության ամբողջ ֆինանսական օգնությունը, եթե երկրի իշխանությունները չփոխեն իրենց կուրսը և…
ՌԴ-ն մտահոգված է
ՌԴ նախագահի մամուլի խոսնակ Դմիտրի Պեսկովն անդրադարձել է ՀԱՄԱՍ-ի առաջնորդ Յահյա Սինվարի սպանությանը։ «ՌԴ-ն մտահոգված է…