Մենք ոչ միայն ապիկար, այլև պոռոտախոս գտնվեցինք. Աթանեսյան

Վահրամ Աթանեսյանը գրում է.

«Մենք փաստական անառարկելի հիմքեր ունեինք, որպեսզի միջազգայնորեն ապացուցեինք, որ Խոջալուի խաղաղ բնակչությունը դարձել է Հեյդար Ալիեւի կազմակերպած սպանդի զոհը: Մենք ոչ միայն ապիկար, այլեւ պոռոտախոս գտնվեցինք:

Այդ ուղղությամբ բոլոր ջանքերը ջուրը թափվեցին, երբ Հայաստանի պաշտպանության նախարարի պաշտոնում գտնվելով՝ Սերժ Սարգսյանը բրիտանացի ուսումնասիրող Թոմաս դե Վաալին ասաց, որ Խոջալուում կոտրվել է կարծրատիպը, թե հայերը խաղաղ մարդկանց վրա զենք չեն կիրառում:

Երեկ Իլհամ Ալիեւը Հայաստանին հորդորել է ճանաչել «Խոջալուի ցեղասպանությունը, որպեսզի կարողանա ոտքի կանգնել»: Ո՞վ է տալու նրա պատասխանը»։