Բանավեճ նախկին ու ներկա նախարարների միջև (տեսանյութ)

Առողջապահության նախկին նախարար, ՔՊ խմբակցության պատգամավոր Արսեն Թորոսյանի և նախարար Անահիտ Ավանեսյանի միջև բանավեճ ընթացավ 2023 թ. բյուջեի կատարողականի հաշվետվության քննարկման ժամանակ։ Թորոսյանը հետաքրքրվել էր պետպատվերի շրջանակներում օֆերտայի սկզբունքի կիրառումից, բյուջեի միջոցները ծախսելուց։

«Տարօրինակ բաներ եք ասում․ ասում եք մոտավորապես, որ երեխան պետք է առողջ լինի։ Հա, պետք է լինի, հա, հիվանդանոցները պետք է վճարեն աշխատավարձերը, մատակարարումների գումարները, բայց մենք՝ կառավարությունն է ասել, որ ունեք բյուջեի չսահմանափակման իրավունք, Մատուցեք այն ծառայությունները, որի համար ունեք չսահմանափակման իրավունք այնքան, որքան կդիմեն»,- ասել է նա։

Պատասխանելով Թորոսյանին՝ Ավանեսյանն ասել է. «Չգիտեմ՝ ոնց եք ընկալել իմ պատասխանները, բայց մեկնաբանությունները շատ հստակ են եղել։ Երբ ասում ենք, որ քաղաքացին սահմանափակված չէ, թե որտեղ ստանա բուժօգնություն, այդ տրամաբանությամբ կարող էր ընկալվել, որ լիցենզիա չունեցող կազմակերպությունում էլ կարող է ստանալ, որովհետև իրեն հարմար է։ Բայց այդպես չի, մենք խոսում ենք ընդհանուր կարգավորումների ու տրամաբանության մասին։ Եւ դուք ինձանից շատ լավ գիտեք, որ առողջապահական ոլորտում հստակ է, թե որ կազմակերպություններն իրավունք ունեն բուժսպասարկում իրականացնել»։

Մանրամասները՝ տեսանյութում։