Մի քանի միլիարդ դոլարի զենքը հանձնեցին Ադրբեջանին. Փաշինյան

ՀՀ վարչապետ Նիկոլ Փաշինյանը հայտարարել է, որ 2020թ․ առաջ և հետո իրենց կառավարությունը ԼՂ-ին տվել է այն ամենը, ինչի կարիք ունեցել են.

«2020թ․ հետո մենք 1 մլրդ դոլարից ավելի գումար ենք տվել ԼՂ-ին»։

Նրա խոսքով, «անգամ այդ պայմաններում ԼՂ կղերաֆեոդալական էլիտայի ներկայացուցիչները, որ ոտքի վրա ճոռոմ կենացներ էին խմում ու մեզ մեղադրում դավաճանության մեջ, երկու ժամում հանձնվեցին։ Երկու ժամում. էն մարդիկ, որ մեզ մեղադրում էին դավաճանության մեջ»։

Փաշինյանը հայտարարել է, թե «Քիչ չէ, որ 2 ժամում հանձնվեցին, ՀՀ ժողովրդի զրկանքների գնով ձեռք բերված մի քանի միլիարդ դոլարի զենքը՝ սարքին, կարգին, յուղած վիճակում, հանձնեցին Ադրբեջանին»։

Նա նաև նշել է.

«Ուզում եմ հստակ ասել կղերաֆեոդալական էլիտային՝ դուք Հայաստանում կառավարության փոփոխություն չեք կարող իրականացնել, որովհետև ժողովրդից ծնված և ժողովրդից սնվող լեգիտիմության առաջ դուք իրականում անզոր եք»։