Առնվազն չորս մարդ զոհվել և 20-ը վիրավորվել է Սիրիայի հյուսիս-արևմուտքում (այս տարածքը գտնվում է թուրքական բանակի վերահսկողության տակ) հակաթուրքական ցույցերի հետևանքով։ Այս մասին, ինչպես գրում է dw.com-ը, հայտնել է Մարդու իրավունքների մոնիտորինգի սիրիական կենտրոնը։
Կազմակերպության տվյալներով՝ ցույցերին մասնակցել են հարյուրավոր մարդիկ, որոնց մի մասը զինված է եղել։ Ցուցարարները պոկել են թուրքական դրոշները։ Աֆրին և Ջարաբուլուս քաղաքներում ցուցարարների և թուրք զինվորների միջև բախումներ են տեղի ունեցել, ինչը հանգեցրել է զոհերի։
Սիրիական Աազազ քաղաքում ցուցարարներից մեկը AFP-ի թղթակցին ասել է, որ ինքը, ցույցերին մասնակցելով, համերաշխություն է հայտնում «Թուրքիայում գտնվող իր սիրիացի եղբայրներին», որոնք «փախչում են (Սիրիայի նախագահ-Խմբ.) Բաշար ալ-Ասադից, սակայն Թուրքիայում ճնշումներին են ենթարկվում»:
Նշենք, որ Թուրքիայում հունիսի 30-ից սիրիացի փախստականների դեմ ցույցեր են: Մասնավորապես, Կայսերի քաղաքում տեղի բնակիչների ամբոխը հրկիզել է Սիրիայից ժամանած փախստականներին պատկանող խանութներն ու մեքենաները։ Միևնույն ժամանակ, անկարգությունների մասնակիցները վանկարկել են. «Մեզ այլևս պետք չեն սիրիացիներ, մեզ այլևս օտարներ պետք չեն»:
Այս զարգացումների հետևանքով 67 մարդ ձերբակալվել է։ Տեղի իշխանությունները հայտնել են, որ վիրավորվել է 14 ոստիկան։
Անկարգությունների պատճառը սիրիացի փախստականի կողմից աղջիկ երեխայի նկատմամբ սեռական բռնությունն է:
Տեղի ոստիկանապետը ցուցարարներին խոստացել է, որ հանցագործի նկատմամբ կկիրառվեն «բոլոր օրինական միջոցները, ներառյալ արտաքսումը»։ Թուրքիայի ներքին գործերի նախարար Ալի Երլիքայան հավելել է, որ երեխան ու նրա ընտանիքը վերցվել են իշխանությունների պաշտպանության տակ։
Միաժամանակ և՛ Երլիքայան, և՛ երկրի նախագահ Ռեջեփ Թայիփ Էրդողանը դատապարտել են բռնությունների բռնկումը։ Էրդողանն ընդգծել է, որ տներ ու մեքենաներ հրկիզելն անընդունելի է։
Սիրիայում քաղաքացիական պատերազմի սկսվելուց ի վեր Թուրքիան ընդունել է մոտ 3,2 միլիոն սիրիացի փախստականի։
Նախարար Հակոբ Սիմիդյանն ընդունել է ԱՍԳ (Ազգային մակարդակով սահմանված գործողություններ) գործընկերության աջակցման գրասենյակի գլոբալ տնօրենի…
ՌԴ նախագահ Վլադիմիր Պուտինը հրամանագիր է ստորագրել, որով ընդլայնում է Վրաստանի քաղաքացիների համար առանց վիզայի…
Ներքին գործերի նախարարության բարեփոխումների շրջանակում մեկնարկած թվայնացման գործընթացի արդյունքում ՆԳՆ հաշվառման քննական ծառայությունների մատուցման, թույլտվությունների…
Շիրակի մարզպետի տեղակալ Աննա Մարտիկյանն աշխատակազմի պատասխանատուների հետ այսօր հյուրընկալել է Հայաստանի Հանրապետությունում Ռուսաստանի Դաշնության…
Արդարադատության նախարարի տեղակալ Կարեն Կարապետյանն ընդունել է Հայաստանում ԵՄ պատվիրակության ներկայացուցիչներին՝ քննարկելու Հայաստանում անձնական տվյալների…
ԼՂ-ից բռնի տեղահանված այն ընտանիքները, որոնք հանդիսացել են ԼՂ առանձին շրջաններից տեղահանված ընտանիքների բնակապահովման պետական…