ԱՄՆ պետքարտուղար Էնթոնի Բլինքենը շնորհավորել է Բելառուսի ժողովրդին՝ Անկախության օրվա կապակցությամբ։ 

«ԱՄՆ անունից իմ անկեղծ մաղթանքներն եմ հղում Բելառուսի ժողովրդին՝ անկախության օրվա կապակցությամբ: Նրանք, ովքեր ապրում են Բելառուսում, և նրանք, ովքեր ստիպված են եղել թողնել իրենց կյանքն ու սիրելիներին աքսորում, բոլորն էլ արժանի են իրենց ապագան ինքնուրույն ընտրելու հնարավորությանը: Նրանց համար, ովքեր ձգտում են օգնել իրենց համայնքներին՝ կառուցել բռնությունից և բռնաճնշումներից զերծ հասարակություն, ձեր ժողովրդի համար ավելի լավ կյանք ապահովելու ձեր նվիրվածությունը ոգեշնչման աղբյուր է ամբողջ աշխարհի համար: Մենք արժանին ենք մատուցում 1500 բելառուս քաղբանտարկյալի քաջությանը, որոնք գերության մեջ են պահվում միայն այն բանի համար, որ փորձել են օգտվել ազատություններից, որոնք, ինչպես ենթադրվում է, տալիս է անկախությունը: Մենք կոչ ենք անում նրանց անվերապահ ազատ արձակել, և այս օրը մեր մտքերը հատկապես նրանց սիրելիների հետ են։ 

Մենք աջակցում ենք նրանց, ովքեր ճանապարհ են հարթում դեպի անկախ, ժողովրդավարական և ինքնիշխան Բելառուս, և մենք կշարունակենք աջակցել նրանց, քանի որ նրանք խիզախորեն անցնում են այս դժվար ժամանակները», – ասված է ուղերձում։