Արևմուտքը փորձում է Հայաստանին հետ քաշել իր դաշնակիցներից, թեև այլ երկրների օրինակը ցույց է տալիս, թե ինչի է դա հանգեցնում, RIA Novosti-ին տված հարցազրույցում ասել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«Նրանք (արևմտյան երկրները – խմբ.) փորձում են ոչ թե պարզապես «սեպ խրել», այլ իրականում հեռացնել Հայաստանին իր դաշնակիցներից, բնականաբար, բոլոր գործընկերները դա տեսնում են նաև այլ իրավիճակներում, նույն Վրաստանում ինչի է հանգեցնում այս ամենը։
Բնականաբար, մեզ չեն կարող չանհանգստացնել Երևանում գտնվող «արտաքին խաղացողների» և ղեկավարության գործողությունները, որոնք կարող են ապակայունացնել իրավիճակը ոչ միայն Հայաստանում, այլև կարող են սրել իրավիճակը նրա սահմաններից դուրս»,- ասել է Վասիլևը։
