Իրանի արտգործնախարարության խոսնակ Իսմայիլ Բաղային լրագրողների հետ զրույցում հայտարարել է, որ Թեհրանը չի խնդրել վերսկսել ԱՄՆ-ի հետ բանակցությունները պատերազմն ավարտելու նպատակով։
Նա շեշտել է, որ տեղի ունեցողը պատերազմի կառավարում չէ, և որ կրկնվող ռազմական հանցագործություններն ու դրանցով հպարտանալն ուղղակի փորձեր են՝ խուսափելու իրենց ստեղծած աղետից, որի համար, ըստ նրա, կողմերն անխուսափելիորեն վճարելու են։
«Այս պահին ԱՄՆ-ի հետ որևէ բանակցություն չենք վարում։ Բանակցություններն ընթանում են Օմանի հետ՝ Հորմուզի նեղուցի հետ կապված անհրաժեշտ պայմանավորվածությունների վերաբերյալ»,- ասել է նա։
