«Հիմա Կառավարությունը հաստատել է, թույլտվություն տվել է արդեն։ Ու արձանը ոչ թե 77, այլ 99 մետր է լինելու։ Ու դա, հիմնականում, իմ մտքով անցնելով, որ մենք ամբողջ աշխարհին հպարտանալու, ասելու, որ մենք առաջին քրիստոնյա ազգն ենք և Քրիստոսի արձանը որպես մշակութային կենտրոն Հայաստանում է»,- հայտնել է Գագիկ Ծառուկյանը երիտասարդների հետ հանդիպման ընթացքում։
Նա նշել է, որ մոտակա օրերին արդեն բարձրանալու է, երիտասարդներին էլ կհրավիրի․
«Կնայենք, կմտածենք ու կասենք՝ ինչ է պետք անել․ կարևորը ձեր անունով՝ միության անունով կգրվի, հիմնաքարը կդրվի, ձեր բարեկամներին, բալիկներին, բոլորին կներկայացնեք, որ դուք ներդրում ունեք այդ մշակութային կենտրոնը կառուցելու, աշխարհին ներկայացնելու մեջ»։
