Էրդողանը և Ասադը առաջիկա ամիսների ընթացքում կարող են հանդիպել երրորդ երկրում
Թուրքիայի և Սիրիայի նախագահներ Ռեջեփ Թայիփ Էրդողանը և Բաշար ալ-Ասադը առաջիկա երկու-երեք ամսվա ընթացքում կարող են հանդիպել երրորդ երկրում՝ քննարկելու իրենց երկրների միջև հարաբերությունների կարգավորման հարցը։
Այս մասին գրում է թուրքական Hürriyet թերթը՝ հղում անելով իր աղբյուրին։
Պարբերականը հիշեցնում է, որ 2023 թվականի սեպտեմբերին պետք է տեղի ունենար ՌԴ-ի, Իրանի, Թուրքիայի և Սիրիայի հետախուզական գերատեսչությունների հանդիպումը, սակայն Դամասկոսի առաջ քաշած պայմանների պատճառով այն հետաձգվել է։ Որոշ ժամանակ անց բանակցային գործընթացի կողմերը սկսել են դրական ազդակներ հաղորդել, որից հետո Ռուսաստանը դիմել Է Սիրիային՝ 2024 թվականի հուլիսի վերջին հանդիպում անցկացնելու առաջարկով։ Դրանից հետո կարող են տեղի ունենալ երկրների ԱԳ նախարարների բանակցությունները։
«Եթե երկու հանդիպումներն էլ հաջող ընթանան, ապա Էրդողանն ու Ասադը առաջիկա ամիսներին կհանդիպեն կողմերի կողմից նախապես ընտրված երրորդ երկրում»,-ասված է հրապարակման մեջ:
Սիրիայի նախագահը հայտարարել էր, որ համաձայն է կարգավորել Թուրքիայի հետ հարաբերությունները՝ պահպանելով միջազգային իրավունքի սկզբունքները։
Թուրքիայի նախագահը հայտարարել էր Դամասկոսի հետ 2012 թվականին խզված դիվանագիտական հարաբերությունները վերականգնելու պատրաստակամության մասին։
Recent Posts
Կրակոցներ չկան, ոչ ոք չի վիրավորվում, ոչ ոք չի մահանում․ Ալիև
Մյունխենում «Բաց միջանցքների քաղաքականություն․ տրանսկասպյան համագործակցության խորացում» թեմայով վահանակային քննարկման ժամանակ Ադրբեջանի նախագահ Իլհամ Ալիևը…
դատախազությունը քրեական հետապնդում է հարուցել Գարեգին Բ-ի նկատմամբ․ փաստաբան
ՀՀ դատախազությունը քրեական հետապնդում է հարուցել Ամենայն Հայոց կաթողիկոս Գարեգին Բ-ի նկատմամբ՝ Արման Սարոյանի հետ…
Չի կարող լինել վարչապետի թեկնածու. ջախջախիչ պարտություն են տանելու. Սիմոնյանը՝ Կարապետյանին
ԱԺ նախագահ Ալեն Սիմոնյանը պնդում է՝ Սամվել Կարապետյանը չի կարող լինել վարչապետի թեկնածու։ «Ինքը չի…
Ցանկացած պարագայում ՀՀ-ի շահն ենք պաշտպանելու. Գևորգ Պապոյան
Եթե Ռուսաստանը կարողանա ներդրումներ անել և սպասարկել համակարգը, որ բեռները ՀՀ-ով անցնեն և մենք դրանից…
Փաշինյանի և Ալիևի «մարդկային եղբայրության» շնորհիվ 120,000 ղարաբաղցիներ փախստական են դարձել. Զատուլին
Պետդումայի հանձնաժողովի նախագահի առաջին տեղակալ Կոնստանտին Զատուլինը պատասխանել է Հայաստանի վարչապետ Նիկոլ Փաշինյանի քննադատությանը, որը…
Բոլորն էլ վերադառնալու են. Ալեն Սիմոնյանը՝ Բաքվում պահվող հայ գերիների մասին
ԱԺ նախագահ Ալեն Սիմոնյանը վստահ է, որ Բաքվում պահվող հայ գերիները վերադառնալու են, թե երբ…