Իշխող «Նոր Ադրբեջան» կուսակցությունը, որի ղեկավարը նախագահ Իլհամ Ալիևն է, որոշել է սեպտեմբերի 1-ին նշանակված արտահերթ խորհրդարանական ընտրությունների իր թեկնածուներին։ Դրանք հաստատվել են կուսակցության խորհրդի նիստում։
Այն իր թեկնածուներին առաջադրել է երկրում գործող բոլոր 125 միամանդատ ընտրատարածքներում։ Ցուցակում, մասնավորապես, ներառվել են վեցերորդ գումարման խորհրդարանի նախագահ Սահիբա Գաֆարովան, նրա առաջին տեղակալը՝ Ալի Հուսեյնլին, Ադրբեջանի ռուսական համայնքի ղեկավար Միխայիլ Զաբելին։
Արտահերթ խորհրդարանական ընտրություններին իրենց մասնակցությունը հաստատել են երկրում գործող 19 այլ քաղաքական կուսակցություն։
