Երևանի քաղաքապետարանում կայացել է Երևանի քաղաքապետին կից քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի նիստը:
Խորհրդի անդամներին ներկայացվեց «Երևան քաղաքի 2025-2027թթ. միջնաժամկետ ծախսերի ծրագիրը հաստատելու մասին» ավագանու որոշման նախագիծը, որը պետք է դրվի հանրային քննարկման:
Նիստի ընթացքում Երևանի քաղաքապետի տեղակալ Սուրեն Գրիգորյանը ընդգծել է, որ նախագիծը կազմվել է ծրագրային բյուջետավորման մեթոդաբանությամբ:
Ողջունելով համայնքի նախաձեռնությունը՝ խորհրդի անդամները նշել են, որ քաղաքային ծրագրերի որոշման գործընթացում անչափ կարևոր է բնակիչների գործուն մասնակցությունը:
Խորհրդի անդամների միաձայն քվեարկությամբ որոշվել է նախագիծը սահմանված կարգով ներկայացնել հանրային քննարկման:
