Heinz ընկերության նոր արտադրանքը

Heinz սննդամթերք արտադրող և Mattel խաղալիքներ արտադրող ընկերությունները միավորվել են՝ թողարկելու համար սահմանափակ քանակությամբ եզակի սոուս «Barbiecue» հիմնված անցյալ տարվա հիթ «Բարբի» ֆիլմի վրա․ թողարկումը համընկնում է Barbie ապրանքանիշի 65-ամյակի հետ:

Սա կետչուպ չէ, այլ վեգան մայոնեզ՝ BBQ սոուսի բաղադրիչներով, որի վրա ավելացվել է բազուկի հյութ՝ դրան վառ վարդագույն երանգ հաղորդելու համար: Աչք գրավող գույնը խոստանում է «գեղեցկացնել բուրգերը», — ասում են Heinz ընկերությունից, ինչպես որ Բարբին ինքն էր անում նորաձևության և խաղալիքների աշխարհում:

Սոուսը հասանելի է բացառապես Մեծ Բրիտանիայում և Իսպանիայում, իսկ առաջին 5000 շշերը վաճառվում են անմիջապես Heinz կայքի միջոցով:

Heinz-ի հետ այս համագործակցությունը Barbie-ի երկրպագուներին ևս մեկ հնարավորություն է տալիս ծանոթանալու Բարբիի աշխարհին՝ բառացիորեն՝ համտեսելու այն: Մեծ Բրիտանիայում ստանդարտ շշի արժեքը 3,39 ֆունտ է (մոտ 2000 դրամ)․ և, իհարկե, չպետք է մոռանալ Քենի մասին։ Հուսանք, որ թեմատիկ կետչուպ նույնպես կհայտնվի «Կենչուպ» անունով։