Երևանի քաղաքապետ Տիգրան Ավինյանը հայտարարել է, թե շուտով կավելանան ավտոբուսների համար առանձնացված գծերը․
«Ավտոբուսով երթևեկող մարդը ստանալու է առավելություն մեքենայով երթևեկողների նկատմամբ, և կարծում եմ՝ սա շատ տրամաբանական է»։
Ըստ Ավինյանի, MAN մակնիշի ավտոբուսում միջինը կարող է տեղավորվել այնքան մարդ, որքան 60 մեքենայի մեջ։
Հարցին՝ ձեռք բերվող նոր ավտոբուսներն արդյո՞ք կնպաստեն քաղաքում խցանումներին, նա նշել է.
«Երբ ունենում ենք առանձնացված ավտոբուսային գծեր ու դրանցով է տեղի ունենում երթևեկությունը, իրենց համար առհասարակ այլ կանոններ ու այլ տրամաբանություն է գործելու»։
