Ռուսաստանը միշտ ձգտել է ամրապնդվել․ Պուտին

Ռուսաստանի նախագահ Վլադիմիր Պուտինը կարծում է, որ ինչպես այժմ, այնպես էլ նախկինում երկիրը կանգնած է եղել նմանատիպ խնդիրների առաջ, բայց անընդհատ ուժեղացել է ինչպես ներքին, այնպես էլ արտաքին առումներով:

«Ռուսաստանը գրեթե բոլոր ժամանակներում ինքնահաստատվել է, կռվել է, ամրապնդվել է ներսից, ամրապնդվել է դրսից, ըստ էության, Ռուսաստանի պատմության մեջ եղել են տարբեր ժամանակաշրջաններ, բայց շնորհիվ բոլոր ժողովուրդների, որոնք դարձան բազմազգ և բազմակրոն պետության օրգանական մաս, Ռուսաստանը ամրապնդվեց և ավելի ու ավելի վստահ զգաց իրեն»,- ասել է Պուտինը «Նոր Խերսոնեսներ» վավերագրական ֆիլմի համար տված հարցազրույցում։