«Ռուսաստանը ձգտում է, որ եթե ինչ-որ բան լինի, ապա՝ իր պայմաններով». Օ՛ Բրայեն

ԱՄՆ պետդեպարտամենտի Եվրոպայի ու Եվրասիայի հարցերով փոխպետքարտուղար Օ’Բրայենը սենատում լսումների ժամանակ անդրադարձել է Հայաստան-ԱՄՆ, Հայաստան-Ադրբեջան, Հայաստան-Ռուսաստան հարաբերություններին։ 

«Մենք ամուր աջակցում ենք վարչապետ Փաշինյանի խաղաղության ջանքերին։ Ռուսաստանը ձգտում է, որ եթե ինչ-որ բան տեղի ունենա, ապա լինի իր պայմաններով։ Կարծում եմ այդ երկու պետությունն էլ հիասթափված է Ռուսաստանի մասնակցությունից։ Մենք աշխատում ենք, որպեսզի խաղաղության ցանկության արտահայտությունը լինի խաղաղության պայմանագրում։ Ինչո՞ւ է դա կարևոր։ Կենտրոնական Ասիայի երկրները հարուստ են, և հենց հիմա և հենց հիմա նրանց միակ ելքը գլոբալ շուկաներ կա՛մ Ռուսաստանի, կա՛մ Չինաստանի միջոցով է։ Եթե Ադրբեջանով ու Հայաստանով բացենք ճանապարհները, նրանք հասանելիություն կստանան գլոբալ շուկաներին և կնվազեցնեն կախվածությունը Ռուսաստանից ու Չինաստանից», – նշել է Օ՛ Բրայենը։