Մյանմայի երկրաշարժի զոհերի թիվը հասել է 1,7 հազարի

Մյանմայում տեղի ունեցած երկրաշարժի զոհերի թիվը հասել է 1,7 հազարի, վիրավորվել է 3,4 հազար մարդ, ևս 300-ը անհետ կորած է համարվում, հայտնում է «Սինհուա» գործակալությունը՝ վկայակոչելով իշխանություններին։

«Պետական ​​ադմինիստրատիվ խորհրդի տվյալներով՝ Մյանմայում տեղի ունեցած հզոր երկրաշարժի հետևանքով զոհվել է մոտ 1,7 հազար մարդ, վիրավորվել՝ 3,4 հազարը, իսկ 300-ը անհետ կորած է»,- հայտնում է գործակալությունը։

Ուրբաթ օրը Մյանմայում 7,7 մագնիտուդով երկրաշարժ է տեղի ունեցել, ցնցումները զգացվել են հարևան հինգ երկրում, այդ թվում՝ Թաիլանդում։