Նախկին վարչապետի խորհրդական, ՊԵԿ Մաքսանենգության դեմ պայքարի և կրկնակի մաքսային հսկողության վարչության նախկին պետ Սամվել Սանամյանը հրավիրվել է դատախազության ապօրինի ծագում ունեցող գույքի բռնագանձման գործերով վարչություն։
Բացի Սանամյանից, ապօրինի ծագում ունեցող գույքի բռնագանձման գործով դատախազություն են հրավիրվել նաև նրա ընտանիքի անդամները։
«ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր»,- նշված է ծանուցագրում:
Նշենք, որ Սանամյանը 1994-96թթ. աշխատել է ՊՆ-ում, ապա՝ 1997-99թթ. ՆԳՆ-ում, 1999-2006թթ՝ ԱԱԾ-ում, իսկ 2008-2017թթ. ՊԵԿ-ում՝ գլխավորելով մաքսանենգության դեմ պայքարի վարչությունը։
