Ինդոնեզիայի նախագահ Ջոկո Վիդոդոն հայտարարել է, որ երկրի նոր մայրաքաղաք Նուսանտարայի շինարարությունը կավարտվի 10-15 տարում։
«Դա դեռ շատ ժամանակ է պահանջում: Այն մեկնարկել է 2021-2022թթ․ և կավարտվի մոտ 10-15 տարի հետո», – ասել է Վիդոդոն։ Նա հավելել է, որ ներկայումս Նուսանտարայի շինարարության միայն 20%-ն է ավարտվել։ Վիդոդոն 2019թ. առաջարկել էր Ինդոնեզիայի մայրաքաղաքը Ջակարտայից տեղափոխելու գաղափարը։ Ի սկզբանե նախատեսվում էր, որ նոր մայրաքաղաքը կհայտնվի Կալիմանտան կղզում՝ մինչև 2024 թվականը։ Այդ նպատակների համար հատկացվել է գրեթե 32 միլիարդ դոլար, սակայն կորոնավիրուսի համաճարակի պատճառով ծրագիրը կասեցվել է։
