Վարչապետ Նիկոլ Փաշինյանը կառավարության հերթական նիստում անդրադառնալով աղետի գոտում ոչնչացված գյուղատնտնեսական կենդանիների եւ պտղատու ծառերի համար աջակցության ծրագրին՝ հույս հայտնեց, որ աջակցության փաթեթների հետ կապված քրեական գործեր չեն լինի։
Նա հարց տվեց՝ արդյոք հետին թվով կենդանիների գլխաքանակներ չեն հայտնվի, ինչին փոխվարչապետ Տիգրան Խաչատրյանն արձագանքեց, որ բոլոր դեպքերում համայնքային հանձնաժողովները արձանագրել են որտեղ ինչ կորուստներ են եղել։
Վարչապետը պարզաբանեց, որ տնամերձ այգիների վնասների դեպքում՝ անկախ տարածքի չափից բոլորին 150 հազարական դրամ աջակցություն կտրվի եւ հետո կանդրադառնան այգիներին ու վարելահողերին։
