«Բացեք ՊԵԿ-ի կայքը, տեսեք՝ ինչ պարբերականությամբ ենք հանդիպում բիզնեսի ներկայացուցիչների հետ, ինչ հարցեր ենք քննարկում, արդյո՞ք բիզնեսի հետ շփման ինստիտուցիոնալ մարմին ունենք, որտեղ մեր օրենսդրական նախաձեռնություններն ենք քննարկում, և արդյո՞ք բոլորիդ համար բացել ենք մեր վարչարարության բոլոր արդյունքները». լրագրողների հետ ճեպազրույցում ասաց ՊԵԿ նախագահ Ռուստամ Բադասյանը՝ արձագանքելով այն դիտարկմանը, թե ՊԵԿ-ն իր նախագահության շրջանում դարձել է փակ կառույց։
«Անգամ հրապարակում ենք, թե որտեղ ում ենք ստուգում, ինչ տուգանքներ ենք նշանակում։ Տնտեսվարողի անուններով, առևտրային նշաններով հրապարակում ենք, որ դուք նյութ ունենաք՝ գնահատելու ՊԵԿ-ի աշխատանքը․ ինչքանով ենք ազնիվ աշխատում, ինչքանով ենք ճիշտ մեր աշխատանքը կազմակերպում և այլն։ Հիմա Ձեր հարցը Ձեզ եմ վերադարձնում՝ Դուք ուսումնասիրե՞լ եք և կիսու՞մ եք այդ կարծիքը, որ ՊԵԿ-ը ավելի փակ է աշխատում, թե՞ բաց»,- ասաց Բադասյանը։
