Լրագրող Թաթուլ Հակոբյանը ֆեյսբուքյան իր էջում գրում է․
«Թարմ ուղեղով՝ դառը սուրճի հետ
Այս քարտեզը, որ նկարագրում է ՀՀ բնակչության տեղաբաշխվածությունը, երեկ հրապարակել է իմ լավ գործընկեր Հայկ Բարսեղյանը:
Այս մասին ես ու Հայկը շատ ենք խոսել, այս մասին անդադար խոսում եմ իմ ընկերների հետ:
Իմ հանգուցյալ բարեկամ Նժդեհ Բաղրամյանը դառը հումորով ասում էր՝ հայերին միայն Երևան է հետաքրքրում, մի հատ միջանցք ենք թողնում դեպի Էջմիածին՝ աղոթքի գնալու, մեկ այլ միջանցք՝ Ծաղկաձորում խրախճանքի համար…
Սա աղետ է… ՀՀ 3 միլիոնից պակաս բնակչության 2 միլիոնից ավելին ապրում է Երևանում և շրջակայքում, մյուս 1 միլիոնի մի մասն էլ ձգտում է դեպի Երևան:
Մենք դառնում ենք Արարատյան Հանրապետություն:
Մեր գյուղերը ծերանում ու դատարկվում են:
Մեր երիտասարդների համար գյուղից հեռանալը փրկության նման մի բան է դառել:
ՀՀ ժողովրդագրությունն ու Երևանում կուտակվելը մեծագույն մարտահրավեր է:
Թ. Հ.
18 օգոստոսի, 2024թ, Դովեղ»։
