Ոչ ոք ոչինչ չի չեղարկել, քանի որ չեղարկելու բան չկար։ Ոչ մի ուղղակի կամ անուղղակի բանակցություն Ռուսաստանի և Կիևի ռեժիմի միջև քաղաքացիական կարևոր ենթակառուցվածքի օբյեկտների անվտանգության վերաբերյալ չի եղել և չի ընթանում:
Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով The Washington Post-ի հրապարակումը։
Հիշեցնենք, որ հրատարակությունն ավելի վաղ գրել էր, որ Ուկրաինան և Ռուսաստանն այս ամիս պետք է իրենց պատվիրակությունները ուղարկեին Կատար՝ խաղաղության գաղտնի բանակցությունների համար, սակայն դրանք խափանվեցին Կուրսկի շրջանում Ուկրաինայի զինված ուժերի գործողությունների պատճառով:
«Կիևը մեկ անգամ չէ, որ շանսեր է ունեցել ճգնաժամի բանակցային լուծման համար։ Վերջինը եղավ այս տարվա հունիսին, երբ ՌԴ նախագահի առաջարկը ներառում էր տարածքային իրողությունների ճանաչում, Ուկրաինայի՝ ՆԱՏՕ-ի անդամությունից հրաժարվելու, անօրինական պատժամիջոցների վերացում և ռուսալեզու քաղաքացիների նկատմամբ խտրականության վերացում։
Այնուամենայնիվ, օգոստոսի 6-ից հետո ամբողջ աշխարհը տեսավ արձագանքը բարի կամքի այս ժեստին՝ ավազակային հարձակում Կուրսկի շրջանում, նրանց վայրագությունները խաղաղ բնակչության դեմ, բժիշկների, փրկարարների և կամավորների նպատակային սպանություններ, հարձակումներ քաղաքացիական մեքենաների վրա, հրթիռային հարձակումներ բնակելի շենքերի վրա, համատարած թալան և նույնիսկ միջուկային անվտանգությանը սպառնացող վտանգներ։ Իհարկե, ինչպես Վլադիմիր Պուտինն ասաց, դա անող մարդկանց հետ խոսելու բան չկա»,- հայտարարել է Զախարովան։
